خرجت من بيتنا فى عز البرد
ولقيت الكشك دا قدامي حبيت اسأل صاحبه عن اقرب صيدليه..بس ملقتش حد
بلف حولين الكشك خبطت فيكي بدون قصد اسف
ولا يهمك يا ابني..هو زمانه على وصول
هو مين ؟
ابني صاحب الكشك
طب وانتي ايه منيمك هنا بس ف الجو دا ؟ وع الأرض كمان !!
قربت مني وهمست وقالت
انا جعانه..معاك فلوس
ايوه معايا عايزه كام ؟
لا مش عايزه فلوس عايزاك بس تشتريلي اي حاجه اسد بيها جوعي من عند ابني
انفعلت وانا بقولها
هو ازاي اصلا بيعمل فيكي كدا..هو ايه معندوش قلب ولا رحمه
وطي صوتك أحسن يسمعك..دا راجل شړاني
ايوه بس هو ازاي يعمل كدا في أمه وليه اصلا ي..
فجأة مسكت ايدي وباستها
ارجوك يا بني انا جعانه
حاضر يا امي حاضر..لحظات
سبتها ورجعت الكشك من قدام
لقيت راجل أربعيني شكله كشړي والڠضب باين على ملامحه
ممكن لو سمحت شوية بسكوت وعصائر في كيس
يتبع
تؤمر
جاب الحاجه وحطها في كيس وانا بطلع وبحاسبه
قولتله هو انا ممكن افهم انت ليه بتعمل فيها كدا
نعم !! هي مين دي يا أستاذ
والدتك ؟
مالها أمي ؟
مالها ازاي انت مش شايف حالتها وهي مرميه
كدا في عز السقعه ع الأرض ھتموت من الجوع والبرد
ايه اللي انت بتقوله دا ؟
ايه اللي انا بقوله ولا اللي انت بتعمله في امك
هو خلاص مفيش رحمه..عملتك ايه الست المسكينه دي
وبعدين بقى في اللي جاي هيقل مزاجنا دا
مزاج ايه انت معندكش رحمه
انا مش فاهم منك حاجه امي ايه وبرد وسقعة ايه
مسكته من أيده وشديته لبره وخدته ورا الكشك
أمك دي اللي مرميه ع ال..
لساني اتلجم مره واحده لما لاقيتها اختفت
بص لي بتعجب وسأل هي فين امي دي بقى
كانت...كانت هنا..
اه وراحت فين ؟ اتبخرت !!
لا اكيد خاڤت وجريت منك
لا اله الا الله...يا حضرة اللي بتقوله دا ميدخلش عقل عيل صغير
